Վրաստանի վարչապետ Իրակլի Կոբախիձեն հույս է հայտնել, որ ԱՄՆ նախագահ Դոնալդ Թրամփի վարչակազմը կվերանայի իր քաղաքականությունը հանրապետության նկատմամբ, ինչպես նաև նախորդ ամերիկյան իշխանությունների կողմից սահմանված պատժամիջոցները։
«Կարծում եմ, որ նախորդ ԱՄՆ վարչակազմի օրոք գործող մոտեցումները արմատապես կվերանայվեն, այդ թվում՝ պատժամիջոցների քաղաքականությունը։ Սա մեր ենթադրությունն է», - վրացի լրագրողներին ասել է Կոբախիձեն։
2024 թվականի նոյեմբերի 30-ին Պետդեպարտամենտը հայտարարեց, որ Միացյալ Նահանգները դադարեցրել է Վրաստանի հետ ռազմավարական գործընկերությունը։
