Իրանը շարունակում է հաղորդագրություններ փոխանակել Միացյալ Նահանգների հետ երրորդ երկրների միջոցով, սակայն դեռևս որոշում չի կայացրել ամերիկյան կողմի հետ բանակցությունները վերսկսելու վերաբերյալ, հայտարարել է Իրանի արտաքին գործերի նախարարության խոսնակ Էսմայիլ Բաղային։
«ԱՄՆ-ի հետ տարբեր հարցերի շուրջ բանակցությունները շարունակվում են միջնորդների միջոցով. մենք հաղորդագրություններ ենք փոխանցում ինչպես ԱՄՆ շահերի բաժնի միջոցով Իրանում Շվեյցարիայի դեսպանատանը, այնպես էլ երրորդ երկրների միջոցով, որոնք մեզ պատասխան հաղորդագրություններ են փոխանցում ամերիկյան կողմից», - ասել է նա շաբաթական ճեպազրույցի ժամանակ։
Բաղայիի խոսքով՝ Իրանը «դեռ որոշում չի կայացրել» իրանական միջուկային ծրագրի շուրջ ստեղծված իրավիճակը կարգավորելու համար ԱՄՆ-ի հետ բանակցությունները այլ ձևաչափով վերսկսելու հնարավորության վերաբերյալ։ «Մենք չենք հաստատում այն տեղեկությունները, որ Նորվեգիայում ԱՄՆ-ի հետ անուղղակի բանակցությունների նոր փուլ կանցկացվի», - հավելել է դիվանագետը։
2025 թվականին Իրանի և Միացյալ Նահանգների միջև միջուկային դոսյեի շուրջ բանակցությունների հինգ փուլն ավարտվեցին անարդյունք՝ Իսրայելի կողմից Իսլամական Հանրապետության դեմ ռազմական գործողության սկսման և ամերիկյան զինված ուժերի կողմից Իրանի միջուկային օբյեկտներին հարվածների պատճառով։
