ԱՄՆ նախագահ Դոնալդ Թրամփը հայտարարել է, որ Վաշինգտոնը առաջարկում է ինչպես Ուկրաինայի որոշ մասերի վերադարձը Ռուսաստանին, այնպես էլ Ուկրաինայի կողմից տարածքների զիջումը։ Նա հավելել է, որ Վլադիմիր Զելենսկին «պետք է պատրաստ լինի ինչ-որ բան ստորագրել»։
Սպիտակ տանը Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ եռակողմ արարողության ժամանակ լրագրողների հարցերին պատասխանելով՝ ամերիկացի առաջնորդը նշել է, որ Միացյալ Նահանգները ուսումնասիրում է այն տարածքների հարցը, «որոնց համար մարտեր են ընթանում արդեն երեքուկես տարի»։ «Մենք սպասում ենք, որ դրանցից մի քանիսը կվերադարձվեն, կլինի որոշակի փոխանակում։
Դա դժվար հարց է», – ասել է Թրամփը։ Նա հավելել է, որ տարածքների փոխանակումը կլինի «երկու կողմերի օգտին» և խոստացել այդ մասին խոսել ավելի ուշ։
