Նախկին նախագահ Միխեիլ Սաակաշվիլիի ռեժիմը ռազմական գործողություններ սկսեց 2008 թվականի օգոստոսին և հսկայական վնաս հասցրեց Վրաստանի ազգային շահերին, հայտարարել է երկրի վարչապետ Իրակլի Կոբախիձեն։
«Այսօր մենք պետք է հիշենք այն ժամանակվա կառավարության կողմից ստորագրված բոլոր փաստաթղթերը, որոնցում նշվում է, որ Սաակաշվիլիի ռեժիմն է սկսել պատերազմը:
Այս փաստաթղթերից փախուստ չկա, դրանք անհերքելի ապացույց են այն բանի, որ այդ ժամանակվա կառավարությունն է սանձազերծել պատերազմը և ծանր հարված հասցրել մեր երկրի ազգային շահերին։ Սա դավաճանություն է», - ասել է նա։
Ինչպես նշել է կառավարության ղեկավարը, Եվրոպայի խորհրդի բանաձևը և հակամարտությունը հետաքննող միջազգային հանձնաժողովի այն ժամանակվա ղեկավար Հայդի Տալիավինիի եզրակացությունը վկայում են, որ 2008 թվականի օգոստոսի 7-ին վրացական զինվորականները հրետանային կրակ են բացել Ցխինվալի վրա։
