Ձմերուկի չափից շատ օգտագործումը կարող է հանգեցնել միգրենի և ալերգիայի, զգուշացնում են Քլիվլենդի կլինիկայի (Մեծ Բրիտանիա) մասնագետները: Նրանց խոսքերը մեջբերում է La Razon-ը։
Բժիշկները նշում են, որ ձմերուկը պարունակում է դժվարամարս ածխաջրեր, որոնք կարող են մարսողական խանգարումներ առաջացնել: Բացի այդ, ձմերուկը կարող է միգրեն առաջացնել որոշ մարդկանց մոտ, հատկապես նրանց մոտ, ովքեր արդեն հակված են նման նոպաների:
Նախկինում կատարված ուսումնասիրությունները ցույց են տվել, որ ձմերուկ ուտելուց հետո միգրեն ունեցող և չունեցող մարդկանց արյան շիճուկում նիտրիտների մակարդակը բարձրացել է: Սա ազոտական թթվի անօրգանական աղերի անվանումն է, որոնք մասնակցում են օրգանիզմի տարբեր բջջային գործընթացներին և օգնում են պահպանել սրտի և աղիքների առողջությունը: Գիտնականները ենթադրում են, որ այս միացությունների չափից շատ օգտագործումը կարող է գլխացավերի պատճառ դառնալ:
Մեկ այլ պոտենցիալ սպառնալիք են ալերգիկ ռեակցիաները: Չնայած դրանք հազվադեպ են լինում, որոշ դեպքերում դրանք կարող են լուրջ լինել: Բժիշկները նաև հիշեցնում են, որ ձմերուկը հարուստ է բնական շաքարով, ուստի դրա օգտագործումը պետք է սահմանափակվի շաքարախտով տառապող մարդկանց կողմից:
Բացի այդ, սննդակարգում ձմերուկի չափից շատ օգտագործումը կարող է հանգեցնել էլեկտրոլիտային հավասարակշռության խախտման՝ օրգանիզմի բնականոն գործունեության համար կարևոր հանքանյութերի հարաբերակցության:
Թարգմանությունը՝ Euromedia24.com-ի
