Պաղեստինի ազգային վարչակազմը (ՊԱՎ) ակտիվորեն պատրաստվում է մասնակցել ռուս-արաբական առաջին գագաթնաժողովին, որը տեղի կունենա հոկտեմբերի կեսերին Մոսկվայում, և ակնկալում է, որ իր դերը կխաղա Գազայի հատվածում պատերազմի դադարեցման գործում, «ՌԻԱ Նովոստի»-ին տված հարցազրույցում ասել է ՊԱՎ-ի արտաքին գործերի նախարար Վարսեն Աղաբեկյան-Շահինը։
Ավելի վաղ Ռուսաստանի նախագահ Վլադիմիր Պուտինը գագաթնաժողովին հրավիրել էր արաբ առաջնորդներին։ Նրա խոսքով՝ բարեկամ երկրների մեծ մասը համաձայնել է մասնակցել։
«Մենք շատ հետաքրքրված ենք ռուս-արաբական գագաթնաժողովի անցկացմամբ, նախապատրաստական աշխատանքները լիարժեք ընթացքի մեջ են։ Մենք ակնկալում ենք, որ հանդիպման արդյունքները մեծ ներդրում կունենան Ռուսաստանի և արաբական երկրների ջանքերի աջակցման գործում՝ կանխելու ցեղասպանությունը, բռնի տեղահանումը և տարածքների (Գազայի հատվածում ) անեքսիան»- ասել է նա՝ ընդգծելով, որ այսօր պաղեստինյան կիսաէքսկլավը ծանր հումանիտար աղետ է ապրում։
Պաղեստինի ազգային նախարարը նաև նշել է, որ գագաթնաժողովը կնպաստի Պաղեստինի և Իսրայելի միջև Մերձավոր Արևելքի խաղաղության գործընթացի կարգավորմանը։
