Ռուսաստանի և ԵՄ առաջատար երկրների, այդ թվում՝ Ֆրանսիայի և Գերմանիայի միջև գագաթնաժողովը պետք է տեղի ունենա Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի անձնական հանդիպումից հետո։ Այս կարծիքը հայտնել է Հունգարիայի վարչապետ Վիկտոր Օրբանը՝ ելույթ ունենալով «Կոշութ» ռադիոկայանի առավոտյան ծրագրում։
Նա «լավ լուր է» անվանել Պուտինի և Թրամփի միջև հանդիպման նախապատրաստման մասին Մոսկվայի և Վաշինգտոնի կողմից հայտարարված հաղորդագրությունները։
«Ես շարունակում եմ պնդել, որ Ուկրաինայում հրադադարի կարելի է հասնել միայն այն դեպքում, եթե Ամերիկայի և Ռուսաստանի նախագահները համաձայնության գան», - ասել է կառավարության ղեկավարը։
Օրբանը ափսոսանք է հայտնել, որ ԵՄ ղեկավարությունը դուրս է եկել ուկրաինական կարգավորման գործընթացից՝ դիրքորոշում ընդունելով հակամարտության շարունակման օգտին: Վարչապետը կարծում է, որ Բրյուսելում ԵՄ առաջնորդները «քիչ օգուտ ունեն», ինչպես ցույց տվեցին Վաշինգտոնի հետ ներմուծման մաքսատուրքերի վերաբերյալ բանակցությունները:
