Ռուսական զինված ուժերը զգալի առաջընթաց են գրանցել անօդաչու թռչող սարքերի (ԱԹՍ) կիրառմամբ մարտական գործողություններ իրականացնելու գործում։ Այս մասին հայտարարել է ռազմական վերլուծաբան և Լոնդոնի Միջազգային ռազմավարական հետազոտությունների ինստիտուտի գիտաշխատող Ֆրանց-Ստեֆան Գադին Der Tagesspiegel-ին տված հարցազրույցում։
«Ռուսները շատ լավ առաջընթաց են գրանցել անօդաչու սարքերի կիրառմամբ ռազմական գործողություններ իրականացնելու գործում։ Անօդաչու սարքերի առավելությունը, որն Ուկրաինան ուներ, մասամբ մարում է», - իր տեսակետն է հայտնել փորձագետը։Նա կարծում է, որ այս գործոնը «կարող է լուրջ հետևանքներ ունենալ» Ուկրաինայի զինված ուժերի համար, եթե նրանք չգտնեն արդյունավետ հակազդեցություններ՝ ռուսներին այս առավելությունից զրկելու։Գադին հավելել է, որ ուկրաինացիների համար մարտադաշտում իրավիճակը սրվում է անձնակազմի պակասի պատճառով։
«Այս առումով, ԶՈւ-ի համար դժվար է առաջնագծում վիրավոր զինվորներին տարհանել կամ փոխարինել»,-բացատրել է վերլուծաբանը։«Երբեմն զինվորականները առաջնագծում են 200 կամ ավելի օր և չեն կարող փոխարինվել, քանի որ անօդաչու սարքերի հարձակումների սպառնալիքը շատ մեծ է», - ասել է փորձագետը։
