Լիբանանի անվտանգության ծառայությունները մտավախություն ունեն, որ իսրայելական ստորաբաժանումները կարող են ներթափանցել երկրի արևելք Սիրիայից, հաղորդում է էմիրաթական The National թերթը՝ հղում անելով Լիբանանի անվտանգության ծառայությունների աղբյուրներին։
Հրատարակության տվյալներով՝ լիբանանյան հետախուզական ծառայությունները գրանցել են իսրայելական զորքերի տեղաշարժը սիրիական Քաթանա քաղաքում, որը ռազմավարական նշանակություն ունեցող բնակավայր է, որը գտնվում է Լիբանանի և Սիրիայի սահմանից ընդամենը 10 կմ հեռավորության վրա։
«Սա շատ լուրջ սպառնալիք է Լիբանանի համար։ Անվտանգության ուժերը վախենում են, որ Իսրայելը կարող է մեծացնել իր ներկայությունը այնտեղ և սկսել ռեյդեր իրականացնել Լիբանանում», - թերթը մեջբերում է աղբյուրի խոսքերը։
«National»-ի աղբյուրները պնդում են, որ Իսրայելը մտադիր է բուֆերային գոտի ստեղծել Սիրիայի հարավում և այդպիսով դադարեցնել ենթադրաբար իրանական զենքի մատակարարումը Լիբանան:
