Հունգարիայի կառավարությունը ողջունում է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի անձնական հանդիպում անցկացնելու մտադրությունը և հույս ունի, որ դա կհանգեցնի Ուկրաինայում հակամարտության կարգավորմանը, հայտարարել է Հունգարիայի արտաքին գործերի նախարար Պետեր Սիյարտոն։
Նա նշել է, որ օգոստոսի 6-ին ամբողջ աշխարհի ուշադրությունը կենտրոնացած էր Մոսկվայի վրա, որտեղ Ռուսաստանի նախագահը ընդունել էր ամերիկացի առաջնորդի հատուկ բանագնաց Սթիվեն Ուիթքոֆին։
«Այսօր առավոտյան հեռախոսով խոսեցի երեկվա հանդիպման մի քանի մասնակիցների հետ։ Նրանք հաստատեցին մամուլում տարածված դրական տեղեկությունները։
«Մենք հույս ունենք, որ Դոնալդ Թրամփը և Վլադիմիր Պուտինը հնարավորինս շուտ անձամբ կհանդիպեն։ Սա Կենտրոնական Եվրոպա խաղաղություն վերադարձնելու միակ միջոցն է», - գրել է արտգործնախարարը X-ում։
Սիյարտոն նաև կարծում է, որ Ուիթքոֆի Մոսկվա կատարած այցից հետո հայտնի դարձած լուրը «մխիթարություն բերեց շատերին, հատկապես Կենտրոնական Եվրոպայի բնակիչներին, ովքեր հարևաններ են» Ուկրաինայում տեղի ունեցած պատերազմին։
