Ռուսաստանի նախագահ Վլադիմիր Պուտինը օգոստոսի 7-ին բանակցություններ կվարի ԱՄԷ նախագահ Մոհամմեդ բին Զայեդ ալ Նահյանի հետ, ով պաշտոնական այցով կգտնվի Ռուսաստանում, հայտնում է Կրեմլի մամուլի ծառայությունը։
«Օգոստոսի 7-ին բանակցություններ կկայանան Ռուսաստանի նախագահ Վլադիմիր Պուտինի և Արաբական Միացյալ Էմիրությունների նախագահ Մոհամմեդ բին Զայեդ Ալ Նահյանի միջև, որը պաշտոնական այցով կգտնվի Ռուսաստանում», - ասվում է հաղորդագրության մեջ։
Նշվում է, որ բանակցությունների կենտրոնում կլինեն ռուս-էմիրաթական բազմակողմանի համագործակցության կարգավիճակը և հետագա զարգացման հեռանկարները, ինչպես նաև միջազգային օրակարգի արդիական հարցերը, այդ թվում՝ Մերձավոր Արևելքում ստեղծված իրավիճակը։
