95 տարեկան հասակում մահացել է Ռումինիայի նախկին նախագահ Իոն Իլիեսկուն։ Այս մասին երկրի կառավարությունը հայտարարել է իր կայքում։
«Կառավարությունը խորը վշտով հայտարարում է Ռումինիայի նախկին նախագահ պարոն Իոն Իլիեսկուի մահվան մասին: Ռումինիայի պետության նախկին ղեկավարը մահացել է այսօր՝ 2025 թվականի օգոստոսի 5-ին, «Դոկտոր պրոֆեսոր Ագրիպա Իոնեսկու» կլինիկական շտապ օգնության հիվանդանոցում», - ասվում է հայտարարության մեջ:
Ռումինիայի կառավարությունը ցավակցություն է հայտնել Իլիեսկուի ընտանիքին և ընկերներին։
Նշվում է, որ նախկին նախագահի պետական հուղարկավորության ժամանակացույցի մասին տեղեկատվությունը կհրապարակվի ավելի ուշ՝ պատշաճ ժամկետում։
