Հնդկական Times Now հեռուստաալիքը հրապարակել է, որ ԱՄՆ-ը դեռ անցած տարի աջակցել էր Հնդկաստանի կողմից ռուսական նավթի գնումներին՝ մինչդեռ այժմ սպառնում է պատժամիջոցներով։ Հիշեցվում է ԱՄՆ նախկին դեսպան Էրիկ Գարսետիի հայտարարությունը, ով նշել էր, որ Վաշինգտոնը ցանկացել է, որպեսզի որևէ երկիր գնի ռուսական նավթը՝ կանխելու համաշխարհային գների աճը։Վերջերս նախագահ Դոնալդ Թրամփը քննադատել էր Հնդկաստանին՝ ռուսական նավթը մեծ ծավալով գնելու և նույնիսկ այն արտահանել փորձելու համար։
Նա հայտնել էր, որ պատրաստվում է բարձրացնել մաքսատուրքերը հնդկական ապրանքների նկատմամբ։Ի պատասխան՝ Հնդկաստանի ԱԳՆ-ը նշել է, որ արևմտյան երկրների քայլերն են ստիպել իրենց կողմնորոշվել դեպի ռուսական նավթը։
Բացի այդ, իրենք «գնում են անհրաժեշտության պատճառով», մինչդեռ արևմուտքը շարունակում է ազատորեն առևտուր անել Ռուսաստանի հետ։Bloomberg-ի տվյալներով՝ Նյու Դելիի իշխանությունները չեն սահմանափակել նավթավերամշակող ընկերություններին և չեն նախատեսում հրաժարվել ռուսական մատակարարներից՝ հիմնվելով «մաքուր կոմերցիոն հաշվարկների» վրա։ Իսկ վերլուծաբանները զգուշացնում են, որ ԱՄՆ-ի ճնշումները Հնդկաստանին կանգնեցրել են բարդ ընտրության առաջ։
