OpenAI-ը հայտարարել է իր ChatGPT վարքային մոդելի թարմացման մասին, որը նպատակ ունի մեծացնել պատասխանատվությունը օգտատերերի հետ զգայուն թեմաներով շփվելիս: Այժմ չաթբոտը չի տա ուղղակի խորհուրդներ անձնական կամ հուզականորեն լիցքավորված հարցումներին, ինչպիսիք են՝ «պետք է բաժանվեմ զուգընկերոջիցս», հաղորդում է Business Insider (BI):
Այժմ, բաժանման վերաբերյալ խորհուրդներ տալու փոխարեն, համակարգը կառաջարկի օգտատիրոջը դիտարկել իրավիճակը տարբեր տեսանկյուններից՝ տալով ուղղորդող հարցեր և օգնելով նրանց ձևավորել սեփական կարծիքը:
Ընկերությունը շեշտում է, որ փոփոխությունների նպատակն է մեծացնել ChatGPT-ի օգտակարությունը կյանքի դժվարին իրավիճակներում: OpenAI-ը խոստովանել է, որ նախորդ թարմացման ընթացքում մոդելը դարձել էր չափազանց հաճելի. այս վարքագիծն այժմ ճշգրտվել է:
Բացի այդ, բազմաժամյա նիստերի ժամանակ ChatGPT-ն կսկսի աննկատելիորեն հիշեցնել օգտատիրոջը ընդմիջում անելու անհրաժեշտության մասին: Նման առաջարկություններ տրամադրելու մեխանիզմը կբարելավվի՝ հնարավորինս բնական մնալու և գրգռվածություն չառաջացնելու համար:
OpenAI-ը նաև ստեղծել է փորձագիտական խորհուրդ, որը ներառում է հոգեկան առողջության, դեռահասների հոգեբանության և մարդ-արհեստական բանականություն փոխազդեցության մասնագետներ: Նախաձեռնությանը մասնակցել են 30 երկրների ավելի քան 90 բժշկական փորձագետներ։
Թարգմանությունը՝ Euromedia24.com-ի
