OpenAI-ը դադարեցրել է աջակցել այն գործառույթին, որը թույլ էր տալիս որոնողական համակարգերին ինդեքսավորել օգտատերերի զրույցների հանրային հղումները ChatGPT-ի միջոցով: Այս մասին իր X սոցիալական ցանցի (նախկինում՝ Twitter) էջում հայտարարել է OpenAI-ի տեղեկատվական անվտանգության գլխավոր տնօրեն Դեն Ստաքին։
Նա նաև նշել է, որ ներկայումս աշխատանքներ են տարվում որոնման արդյունքներից արդեն ինդեքսավորված բովանդակությունը հեռացնելու ուղղությամբ։
Նշվում է, որ որոնողական համակարգերում ներառվել են միայն այն զրույցները, որոնք օգտատերերը ձեռքով հրապարակել են: Դրա համար անհրաժեշտ էր ակտիվացնել «Զրույցը դարձնել հայտնաբերելի» տարբերակը՝ «Կիսվել» կոճակը սեղմելուց հետո: Միևնույն ժամանակ, OpenAI-ը սկզբում զգուշացրել էր, որ նման զրույցները կարող են հայտնվել որոնման արդյունքներում։
Սկզբում ընկերությունը սպասում էր, որ մեխանիզմը կբացի «օգտակար և կրթական» երկխոսությունների հասանելիությունը Google-ի և այլ որոնողական համակարգերի միջոցով: Սակայն հետագայում պարզվեց, որ որոշ օգտատերեր պատահաբար կիսվել են անձնական զրույցներով՝ առանց գիտակցելու ռիսկերը, ինչը մտահոգություններ է առաջացրել տվյալների գաղտնիության վերաբերյալ։
Համայնքի մի մասի քննադատության ֆոնին OpenAI-ը որոշեց անջատել գործառույթը: Այնուամենայնիվ, լսարանի որոշ անդամներ հիասթափություն հայտնեցին՝ նշելով, որ նրանք օգտագործել են գործիքը տեղեկատվություն կիսվելու և բարդ գիտական թեմաների մասին իմանալու համար։
Թարգմանությունը՝ Euromedia24.com-ի
