Կրեմլում սկսվել են Ռուսաստանի և Լաոսի նախագահներ Վլադիմիր Պուտինի և Թոնգլուն Սիսուլիթի միջև բանակցությունները, հաղորդում է «ՌԻԱ Նովոստի»-ի թղթակիցը։
Առաջնորդները նախատեսում են քննարկել առևտրային, տնտեսական, մշակութային և հումանիտար համագործակցության հարցեր, ինչպես նաև կարծիքներ փոխանակել տարածաշրջանային և համաշխարհային օրակարգի հիմնական թեմաների շուրջ։
Բանակցությունները սկսվել են Պուտինի և Սիսուլիթի միջև զրույցով։ Ավելի ուշ կկայանան բանակցություններ՝ պատվիրակությունների մասնակցությամբ։
Հանդիպումից հետո պետությունների ղեկավարները կփոխանակեն ստորագրված երկկողմ փաստաթղթեր և հանդես կգան լրատվամիջոցների համար հայտարարություններով։
