Սիրիայում խորհրդարանական ընտրությունները պետք է լինեն ներառական, Մոսկվան հույս ունի, որ դրանց կմասնակցեն բոլոր էթնիկ և կրոնական խմբերը, հայտարարել է Ռուսաստանի արտաքին գործերի նախարար Սերգեյ Լավրովը։
Ավելի վաղ Գերագույն ընտրական հանձնաժողովի ղեկավար Մոհամմեդ Թահա ալ-Ահմեդը սիրիական պետական SANA լրատվական գործակալությանը հայտնել էր, որ Սիրիայի Ժողովրդական խորհրդի (խորհրդարանի) ընտրությունները կարող են տեղի ունենալ սեպտեմբերի 15-20-ը։
«Մենք շահագրգռված ենք, որ այս ընտրությունները լինեն ներառական և բոլոր էթնիկ ու կրոնական խմբերին հնարավորություն տրվի մասնակցել նոր օրենսդիր մարմինների ձևավորմանը», - ասել է Լավրովը իր սիրիացի գործընկեր Ասաադ ալ-Շիբանիի հետ բանակցություններից հետո։
Սիրիայի խորհրդարանի նախորդ ընտրությունները տեղի են ունեցել 2024 թվականի հուլիսի 15-ին, երբ Բաշար ալ-Ասադը դեռ նախագահ էր։ Ժողովրդական խորհուրդը լուծարվել է Սիրիայի նոր իշխանությունների կողմից 2025 թվականի հունվարի վերջին։
