ԱՄՆ նախագահ Դոնալդ Թրամփը որոշել է փոխել Իսրայելի վարչապետ Բենիամին Նեթանյահուի հետ հարաբերությունների իր մոտեցումը՝ Գազայի հատվածում սովամահ երեխաների կադրերը տեսնելուց հետո, CNN-ին հայտնել են Սպիտակ տան երկու պաշտոնյաներ։
Հեռուստաալիքի տվյալներով՝ Թրամփը Շոտլանդիա մեկնելուց առաջ դիտել է սովամահ երեխաների տեսանյութեր։
«Նա իր օգնականներին ասել է, որ ցանկանում է քննարկել այս սարսափելի պատկերները Նեթանյահուի հետ և հարցրել, թե ինչպես կարող է Միացյալ Նահանգները օգնել», - ասել են հեռուստաալիքի աղբյուրները։
Ինչպես նշում է CNN-ը, երկուշաբթի օրը Թրամփը անձամբ խոսել է Նեթանյահուի հետ Գազայի հատվածում սովի խնդրի մասին և Իսրայելի վարչապետին հասկացրել, որ «պետք է այլ կերպ գործել»։
