«Փյունիկ-աղջիկներ» թիմը ՈՒԵՖԱ Կանանց Չեմպիոնների լիգայի որակավորման փուլի կիսաեզրափակչում հուլիսի 30-ին Հյուսիսային Մակեդոնիայի մայրաքաղաք Սկոպյեում ուժերը չափեց բուլղարական «Սոֆիայի» հետ և հաղթեց 1:0 հաշվով։ Մեր թիմի կազմում հանդիպման ավելացված ժամանակի առաջին րոպեին գոլի հեղինակ դարձավ Վերոնիկա Ասատրյանը: Այս մասին հայտնում են ՀՖՖ-ից:
Հաջորդ փուլում Հայաստանի չեմպիոնն ուժերը կչափի «Լյուբոտեն» (Հյուսիսային Մակեդոնիա) - «Ռունավիկ» (Ֆարերյան կղզիներ) զույգի հաղթողի հետ։
Եզրափակիչ հանդիպումը կկայանա օգոստոսի 3-ին։
