Կամչատկայի ափերի մոտ տեղի է ունեցել մինչև 8.8 մագնիտուդ երկրաշարժ։ Զոհերի կամ լուրջ ավերածությունների մասին տեղեկություններ չկան։ Գիտնականները զգուշացնում են, որ մինչև 7.5 մագնիտուդ հետցնցումները կարող են շարունակվել ևս մեկ ամիս։
«Գլխավոր» երկրաշարժը տեղի է ունեցել տեղական ժամանակով ժամը 11:24-ին, որի էպիկենտրոնը գտնվել է Պետրոպավլովսկ-Կամչատկայից մոտավորապես 150 կմ արևելք՝ 32 կմ խորության վրա: Սկզբնապես մագնիտուդը գնահատվել էր 7.1, սակայն գնահատականն ավելի է մեծացել:
Ականատեսները գրում են, որ չեն կարող հիշել նման երկրաշարժ։ Երկրաֆիզիկոսները պարզաբանել են, որ սա Կամչատկայի սեյսմիկ ֆոկուսային գոտում 1952 թվականից ի վեր ամենաուժեղ երկրաշարժն է։
