ԱՄՆ-ի և Եվրամիության (ԵՄ) միջև առևտրային համաձայնագիրը նշանակում է, որ Եվրոպան ընդունել է ամերիկյան տնտեսական գերիշխանությունը և ԱՄՆ նախագահ Դոնալդ Թրամփի առևտրային կանոնները, հուլիսի 29-ին հայտարարել է Սպիտակ տան Ազգային անվտանգության խորհրդի ահաբեկչության դեմ պայքարի տնօրեն Սեբաստիան Գորկան։
«Հիմա նույնիսկ ես, ով նախագահ Թրամփին ճանաչում է 10 տարի, դժվարանում եմ հավատալ, որ ամբողջ Եվրոպական Միությունը ծնկի է իջել «Ամերիկան առաջին հերթին» քաղաքական ծրագրի առաջ», - ասել է նա Newsmax-ին։
Գորկան ընդգծել, որ եվրոպացի առաջնորդները խոստովանել են, որ տարիներ շարունակ ԵՄ անդամները «անօրինական» շահագործողներ էին և շահույթ էին ստանում համաշխարհային առևտրային համակարգից, բայց այժմ նրանք պատրաստ են ընդունել ԱՄՆ-ի 15% ներմուծման մաքսատուրքերը։
Հիշեցնենք, որ ԱՄՆ-ն և ԵՄ-ն հուլիսի 28-ին համաձայնության եկան առևտրային համաձայնագրի շուրջ։ Համաձայնագիրը թույլ կտա ԵՄ-ին խուսափել 30 տոկոսանոց մաքսատուրքերից, որոնք Վաշինգտոնը պատրաստվում էր սահմանել։ Համաձայնագրի համաձայն՝ ԵՄ-ն 15 տոկոսանոց մաքսատուրքերով կմնա իր արտահանման մեծ մասի, այդ թվում՝ ավտոմեքենաների վրա։ ԵՄ-ն նաև համաձայնել է գնել 750 միլիարդ դոլարի ամերիկյան էներգակիրներ և ներդնել ևս 600 միլիարդ դոլար ԱՄՆ տնտեսությունում։
