Ազգային արդյունաբերական ասոցիացիայի՝ «Կոնֆինդուստրիա»-ի նախագահ Էմանուելե Օրսինին ԵՄ-ից ԱՄՆ արտահանման 15% մաքսատուրքը անվանել է Եվրոպայի դեմքին ապտակ։
Հուլիսի 27-ին Եվրահանձնաժողովի նախագահ Ուրսուլա ֆոն դեր Լայենը և ԱՄՆ նախագահ Դոնալդ Թրամփը առևտրային համաձայնության եկան, որը ԵՄ-ից ԱՄՆ արտահանվող գրեթե բոլոր ապրանքների համար 15% մաքսատուրք կսահմանի։ ԵՄ-ն նաև պարտավորվեց ԱՄՆ-ից գնել հեղուկացված բնական գազ, միջուկային վառելիք և զենք։
«Եվրոպային ապտակեցին։ Հիմա այն պետք է ցույց տա, որ ունակ է արձագանքել այնպես, ինչպես արեց COVID-19 համավարակից հետո՝ փոխհատուցելով տուժած ընկերություններին, բացելով նոր շուկաներ և իսկապես կենտրոնում դնելով արդյունաբերությունը՝ արտակարգ իրավիճակների ծրագրով», - ասել է Օրսինին Repubblica թերթին։
