Ֆրանսիայում Իսրայելի դեսպան Ջոշուա Զարկան հույս է հայտնել, որ իսպանական Vueling ավիաընկերությունը, որը ֆրանսիական քաղաքացիություն ունեցող հրեա դեռահասների խմբին դուրս էր հանել չվերթից, հնարավորինս շուտ կսնանկանա։
«Հուսով եմ, որ այս ընկերությունը հնարավորինս շուտ կսնանկանա», - ասել է դիվանագետը TF1 հեռուստատեսությանը տված հարցազրույցում՝ մեկնաբանելով միջադեպը։
Անցյալ շաբաթ մոտ 50 մարդ, այդ թվում՝ Ֆրանսիայից հրեա դեռահասների խումբ և նրանց ուղեկիցները, Իսպանիայի քաղաքացիական գվարդիայի օգնությամբ դուրս բերվեցին Վալենսիայի օդանավակայանից Փարիզ թռչող ինքնաթիռից։
Գործողությունները հանգեցրին հակասեմականության մեղադրանքների՝ ուղղված իսպանական Vueling ավիաընկերության դեմ, որը իրականացնում էր չվերթը: Ֆրանսիայի արտաքին գործերի նախարարությունը պահանջել է Իսպանիայից բացատրություն միջադեպի վերաբերյալ:
