ԱՄՆ-ում ներմուծման մաքսատուրքերը հասել են 1930-ական թվականներից ի վեր իրենց ամենաբարձր մակարդակին, իսկ ամերիկյան վարչակազմի կողմից սկսված համաշխարհային առևտրային պատերազմները մինչև 2027 թվականի վերջը համաշխարհային տնտեսությանը կարժենան 2 տրիլիոն դոլար, հաշվարկել է Bloomberg-ը։
«Bloomberg Economics-ի տվյալներով՝ համաշխարհային տնտեսությանը հասցված հարվածը 2027 թվականի վերջին կհասնի 2 տրիլիոն դոլարի՝ համեմատած առևտրային պատերազմից առաջ եղած հետագծի հետ», - հաղորդում է գործակալությունը։
«Ինչ վերաբերում է ԱՄՆ-ին, ապա մաքսատուրքերի ընդհանուր մակարդակն այժմ ամենաբարձրն է 1930-ական թվականներից ի վեր և մոտ վեց անգամ ավելի բարձր, քան այս տարվա սկզբին, երբ Դոնալդ Թրամփը ստանձնեց պաշտոնը», - հավելվում է զեկույցում։
Մեկ օր առաջ Եվրահանձնաժողովի նախագահ Ուրսուլա ֆոն դեր Լայենը և ԱՄՆ նախագահ Դոնալդ Թրամփը համաձայնության եկան, որի համաձայն, մասնավորապես, ԵՄ-ից ԱՄՆ արտահանվող գրեթե բոլոր ապրանքները այժմ կենթարկվեն 15% մաքսատուրքերի։
Միաժամանակ, Bloomberg-ը նշում է, որ սա էական թեթևացում չի բերի եվրոգոտու տնտեսությանը և կանխատեսում է նրա ՀՆԱ-ի տարեկան 0,4%-ով կրճատում։
