Առնվազն 25 մարդ է զոհվել և տասնյակները վիրավորվել երկուշաբթի գիշերը Գազայի հատվածում Իսրայելի կողմից հասցված հարվածների հետևանքով, հաղորդում է «Ալ Ջազիրա»-ն՝ հղում անելով պաղեստինյան բժշկական աղբյուրներին։
«Երկուշաբթի կեսգիշերից ի վեր Գազայի հատվածի որոշ հատվածների վրա Իսրայելի կողմից հասցված մի շարք ինտենսիվ հարվածների հետևանքով զոհվել է առնվազն 25 մարդ, տասնյակները վիրավորվել են», - ասվում է հայտարարության մեջ։
Հեռուստաալիքի տվյալներով՝ ամենաուժեղ ռմբակոծության և հրետանային կրակի տակ է հայտնվել հատվածի հարավում գտնվող Խան Յունիս քաղաքը, հարվածներ են ստացել նաև Դեյր էլ-Բալահի բնակելի շենքերը և պաղեստինյան կիսաէքսկլավի կենտրոնական մասում գտնվող Էլ-Մաղազի ճամբարը։ Խան Յունիսում ավերված շենքերի փլատակների տակ շարունակում են մնալ զոհեր։
Գազայի հատվածի առողջապահության նախարարության տվյալներով՝ մարտի 18-ին Գազայի վրա Իսրայելի կողմից վերսկսված հարվածների հետևանքով զոհվել է ավելի քան 8,6 հազար մարդ, իսկ գրեթե 33 հազարը՝ վիրավորվել։
