Մեծ Բրիտանիայի խորհրդարանի Համայնքների պալատի (ստորին պալատ) անդամների մեկ երրորդը կոչ է արել Մեծ Բրիտանիայի վարչապետ Քիր Սթարմերին և արտաքին գործերի նախարար Դեյվիդ Լամիին հնարավորինս շուտ ճանաչել Պաղեստին պետությունը, հաղորդում է The Guardian-ը՝ հղում անելով ավելի քան 220 խորհրդարանականների նամակին։
«Չնայած մենք գիտակցում ենք, որ Մեծ Բրիտանիան չի կարողանում ապահովել Պաղեստինի ազատությունն ու անկախությունը, Մեծ Բրիտանիայի կողմից ճանաչումը զգալի ազդեցություն կունենար՝ հաշվի առնելով մեր պատմական կապերը և ՄԱԿ-ի Անվտանգության խորհրդի անդամակցությունը», - ասվում է հայտարարության մեջ։
Բրիտանական կողմից Պաղեստինի ճանաչումը հատկապես հզոր կլիներ՝ հաշվի առնելով, որ Մեծ Բրիտանիան Բալֆուրի հռչակագրի հեղինակն էր և նախկինում մանդատ ուներ Պաղեստինում։
