Իսրայելը խստորեն դատապարտում է Ֆրանսիայի որոշումը՝ ճանաչել Պաղեստինի պետականությունը, որը հայտարարել է հանրապետության նախագահ Էմանուել Մակրոնը։ Այս մասին հայտարարել է հրեական պետության վարչապետ Բենիամին Նեթանյահուն։
«Մենք խստորեն դատապարտում ենք նախագահ Մակրոնի որոշումը՝ ճանաչելու Պաղեստինի պետությունը։ Նման քայլը խրախուսում է ահաբեկչությունը և սպառնում է ստեղծել ևս մեկ իրանական արբանյակ, ինչպես դա տեղի ունեցավ Գազայի հետ», – գրել է նա X-ում։
Նեթանյահուի խոսքով՝ առանձին պաղեստինյան պետության ստեղծումը «ներկայիս պայմաններում կդառնար Իսրայելի կործանման ցատկահարթակ, այլ ոչ թե նրա կողքին խաղաղ համակեցություն»։«Եկեք հստակ լինենք. պաղեստինցիները չեն ձգտում պետություն ստեղծել Իսրայելի կողքին, նրանք ձգտում են պետություն ստեղծել Իսրայելի փոխարեն», – կարծում է Իսրայելի վարչապետը։
