Զանգեզուրի միջանցքի հարցը Հայաստանի և Ադրբեջանի ինքնիշխան հարց է, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Ավելի վաղ իսպանական «Periodista Digital» առցանց հրատարակությունը, հղում անելով աղբյուրներին, հայտնել էր, որ Հայաստանը, Ադրբեջանը և Միացյալ Նահանգները արդեն համաձայնության են եկել Զանգեզուրի միջանցքի ստեղծման վերաբերյալ փոխըմբռնման հուշագրի շուրջ, որը փաստաթղթում անվանվում է «Թրամփի կամուրջ»։
«Սա Հայաստանի և Ադրբեջանի ինքնիշխան հարց է։ Մենք ամեն կերպ աջակցում ենք Ադրբեջանի և Հայաստանի միջև բանակցություններին։ Մենք ցանկանում ենք, որ և՛ Բաքուն, և՛ Երևանը որքան հնարավոր է շուտ ստորագրեն համաձայնագիրը», - լրագրողներին ասել է Պեսկովը։
