Այսօր՝ հուլիսի 25-ին, ավտովթար է տեղի ունեցել Երևանում։ Այս մասին հաղորդում է Shamshyan.com-ը։ Ժամը 14։10-ի սահմաններում Հալաբյան և Արզումանյան փողոցների խաչմերուկում Լոռու մարզի բնակիչ 40-ամյա Դավիթ Դ․-ն իր վարած «Honda Accord» մակնիշի ավտոմեքենայով բախվել է հետիոտնի համար նախատեսված մայթի բազալտե եզրաքարերին և կողաշրջվել։
Վթարի հետևանքով ուղևոր, Երևանի բնակիչ 43-ամյա Արմեն Դ․-ն մարմնական վնասվածքներով տեղափոխվել է «Արմենիա» բժշկական կենտրոն։
Դեպքի վայր են ժամանել ՀՀ Ներքին գործերի նախարարության փրկարար ծառայության Երևանի հրշեջ փրկարարական ջոկատից՝ 1 մարտական հաշվարկ։
Հրշեջ փրկարարները հոսանքազրկել են ավտոմեքենան, փակել գազաբալոնի փականը և քաղաքացիների օգնությամբ ուղղել այն։
Վթարի փաստով քննչական բաժնում նախաձեռնվել է քրեական վարույթ։
