Չինաստանի իշխանությունները խորապես մտահոգված են կամբոջա-թաիլանդական սահմանին լարվածության սրմամբ և կնպաստեն իրավիճակի կայունացմանը, հայտարարել է Չինաստանի արտաքին գործերի նախարարության խոսնակ Գո Ցզյակունը։
«Մենք խորապես մտահոգված ենք ներկայիս զարգացումներով և հույս ունենք, որ երկու կողմերն էլ կարող են լուծել խնդիրը երկխոսության և բանակցությունների միջոցով:
Չինաստանը կշարունակի իր ձևով խթանել հաշտեցումն ու բանակցությունները, և մենք կառուցողական դեր կխաղանք իրավիճակի կայունացման և լարվածության նվազեցման գործում», - ասել է նա ճեպազրույցի ժամանակ։
