ԱՄՆ-ը Մեծ Բրիտանիայում երկու ռազմական օբյեկտների կառուցման վրա կծախսի 253 միլիոն դոլար՝ ամերիկյան միջուկային զենքի հնարավոր վերադարձի պատճառով, պարզել է ՌԻԱ Նովոստին ԱՄՆ ռազմաօդային ուժերի բյուջետային փաստաթղթերն ուսումնասիրելուց հետո։
Դրանք ցույց են տալիս, որ Լեյքենհիթի ռազմաօդային բազայում նախատեսվում է կառուցել 104 միլիոն դոլարի հրամանատարական կետ, որը կփոխարինի 1979 թվականին կառուցված օբյեկտին: Կկառուցվի նաև 149 միլիոն դոլարի Defender Operations Compound: Երկու նախագծերն էլ Surety առաքելության մաս են կազմում, որի նպատակն է ապահովել անվտանգությունը, վերահսկողությունը և պատրաստվածությունը միջուկային զենքի օգտագործման ժամանակ:
Հրամանատարական կետը կներառի արձագանքման, կապի և արտակարգ իրավիճակների կառավարման կենտրոններ, ինչպես նաև էլեկտրամագնիսական խանգարումներից պաշտպանություն։
Երկրորդ օբյեկտում կտեղակայվեն զինանոց, պահեստ, անվտանգության սենյակ և 22 արագ արձագանքման մեքենաներից բաղկացած ավտոպարկ։ Անվտանգության աշխատակիցների թիվը կավելանա 221-ով՝ հասնելով 575-ի։ Շինարարությունը նախատեսվում է ավարտել մինչև 2031 թվականը։
