Ուկրաինայի վարչապետ Յուլիա Սվիրիդենկոն հայտարարել է, որ, հավանաբար, լրացուցիչ ֆինանսավորում կխնդրի Արժույթի միջազգային հիմնադրամից (ԱՄՀ) և Միացյալ Նահանգներից։ Հուլիսի սկզբին ԱՄՀ-ի հաղորդակցության տնօրեն Ջուլի Կոզակը հայտարարեց, որ հիմնադրամը Ուկրաինայի ներկայիս վարկային ծրագրի հաջորդ վերանայումը կանցկացնի 2025 թվականի վերջին:
Կիևի համար ընդլայնված ֆինանսավորման գործիքը նախատեսված է մինչև 2027 թվականը: «Եթե բազային սցենարը ենթադրում է, որ հակամարտությունը շարունակվի հաջորդ տարի, շատ հավանական է, որ մենք կունենանք Արժույթի միջազգային հիմնադրամի նոր ծրագիր»,-նշել է Սվիրիդենկոն Bloomberg-ին տված հարցազրույցում: Պաշտոնյաների խոսքով՝ նոր ֆինանսավորման ծրագրի շուրջ բանակցությունները նախատեսվում է անցկացնել այս տարի:
Ուկրաինայի վարչապետը հավելել է, որ առաջիկա օրերին նախատեսում է նաև ԱՄՆ ֆինանսների նախարար Սքոթ Բեսենթի հետ խոսել Կիևին հնարավոր ֆինանսական օգնության մասին։
