Մեծ Բրիտանիայի կառավարությունը հուլիսի 23-ից կներդնի աշխարհում առաջին պատժամիջոցների ռեժիմը, որը կուղղվի անօրինական միգրացիայի կազմակերպիչներին, որը ներառում է այնպիսի միջոցառումներ, ինչպիսիք են ակտիվների սառեցումը և Մեծ Բրիտանիա մուտք գործելու արգելքը, հայտարարել է երկրի արտաքին գործերի նախարար Դեյվիդ Լամմին, մեջբերում է Sky News-ը։
Հունվարի սկզբին Մեծ Բրիտանիայի արտաքին գործերի նախարարությունը հայտարարեց, որ Լոնդոնը կներդնի աշխարհում առաջին պատժամիջոցների ռեժիմը անօրինական միգրացիայի կազմակերպիչների դեմ: Ռեժիմը, ենթադրաբար, ուժի մեջ կմտնի 2025 թվականին: «Մեր բարոյական պարտականությունն է և «Փոփոխությունների ծրագրի» կարևորագույն մասն է կազմում անել ամեն ինչ՝ այս ավազակախմբերը ջախջախելու և Մեծ Բրիտանիայի սահմանները ապահովելու համար։
Ահա, թե ինչու է Մեծ Բրիտանիան ստեղծել աշխարհում առաջին պատժամիջոցների ռեժիմը, որը թիրախավորում է մարդկանց անօրինական տեղափոխմամբ և անօրինական միգրացիային նպաստելոն զբաղվող խմբավորումներին, ինչպես նաև նրանց հանցակիցներին»,- ասել է Լամմին։ Ինչպես նշում է հեռուստաալիքը, ներդրվող միջոցառումները կլինեն անօրինական միգրացիայի կազմակերպիչների և նրանց հանցակիցների դեմ պատժամիջոցների միայն առաջին ալիքը։
