Չինաստանը աջակցում է Իրանի՝ միջուկային էներգիան խաղաղ նպատակներով օգտագործելու իրավունքին և պատրաստ է նպաստել իրանական միջուկային խնդրի կարգավորմանը, հայտարարել է Չինաստանի փոխարտգործնախարար Մա Չժաոսյուն։ «Անհրաժեշտ է շարունակել Իրանի միջուկային խնդրի լուծումը քաղաքական և դիվանագիտական մեթոդներով:
Անհրաժեշտ է երաշխավորել իրանական կողմի իրավունքը՝ խաղաղ նպատակներով օգտագործելու միջուկային էներգիան։ Չինաստանը պատրաստ է շարունակել դրական և կառուցողական դեր խաղալ այս հարցում», – Չինաստանի արտաքին գործերի նախարարության կայքը մեջբերում է Մա Չժաոսուի խոսքերը Ֆրանսիայի արտաքին գործերի նախարարության քաղաքական և անվտանգության վարչության ղեկավար Ֆրեդերիկ Մոնդոլոնիի հետ հուլիսի 21-ին հեռախոսազրույցից հետո։
Ինչպես նշել է Չինաստանի փոխարտգործնախարարը, բոլոր շահագրգիռ կողմերը պետք է հնարավորինս շուտ վերսկսեն երկխոսությունն ու բանակցությունները՝ իրավիճակի սրումը կանխելու համար: Մա Չժաոսյուն և Մոնդոլոնին համաձայնել են սերտ շփումներ պահպանել համապատասխան հարցերի շուրջ:
