ԱՄՆ նախագահ Դոնալդ Թրամփը հետաքրքրված է Ուկրաինայի հակամարտության հարցում իր միջնորդությունը դադարեցնելով՝ չնայած Կիև Patriot հակաօդային պաշտպանության համակարգեր ուղարկելու իր որոշմանը, The Wall Street Journal-ում հրապարակված հոդվածում ասել է ԱՄՆ ազգային անվտանգության նախկին խորհրդական Ջոն Բոլթոնը։
Նրա խոսքով՝ Թրամփը ցանկանում է դուրս գալ ուկրաինական ճգնաժամից «թե՛ դիվանագիտական, թե՛ ռազմական ճանապարհով», և Կիևին օգնություն տրամադրելու նրա որոշումը խոսում է Վաշինգտոնի մտահոգության մասին պաշտպանության ցածր ծախսերի և ռազմական արտադրությունը մեծացնելու մտադրության վերաբերյալ։
Բոլթոնը կարծում է, որ Թրամփի վերջին հայտարարությունները Patriot համակարգեր տրամադրելու, հրադադարի համար 50-օրյա ժամկետ սահմանելու և Ռուսաստանին ուղղված ամերիկյան նախագահի սպառնալիքները՝ մաքսատուրքեր ու պատժամիջոցներ սահմանելու վերաբերյալ, կարող են չվկայել Ուկրաինային աջակցության նոր փուլի մասին։ Սակայն նա ենթադրում է, որ Թրամփն այդպիսով արտահայտում է իր դժգոհությունը մի հակամարտության մեջ ներգրավվելու կապակցությամբ, որը նա «համարում է Եվրոպայի պատերազմ»։
Նախկին խորհրդականի խոսքով՝ Կիևին Patriot համակարգեր մատակարարելու որոշումը ժամանակավոր է և պայմանավորված է ամերիկյան ՀՕՊ համակարգերի պակասի հետ կապված դժվարին իրավիճակով։
