2025 թվականի առաջին կեսին ԱՄՆ հյուրանոցների կառավարման թիմերը 36%-ով ավելի հաճախ են պատվիրել անցյալով ստուգումներ, քան նախորդ տարվա նույն շրջանում։ Այս մասին հայտնում է Hireology ընկերությունը՝ ֆիքսելով միգրանտ աշխատողների նկատմամբ աճող վերահսկողություն։
Հետազոտության համաձայն՝ աշխատաշուկայում շատ ընկերություններ փորձում են խուսափել միգրացիոն օրենքների խախտումներից, հատկապես նախագահ Դոնալդ Թրամփի վարչակազմի ֆոնին, որն առաջարկում է դադարեցնել հարյուր հազարավոր միգրանտների ժամանակավոր կարգավիճակն ու սկսել զանգվածային արտաքսումներ, հայտնում է Reuters-ը։
Ըստ վիճակագրության՝ ԱՄՆ զբոսաշրջային ոլորտի աշխատուժի շուրջ մեկ երրորդը կազմում են միգրանտները։ Միայն հյուրանոցներում 2024-ին աշխատել է ավելի քան 2.15 միլիոն մարդ։ Նշվում է, որ հյուրանոցային ոլորտում արտասահմանցի աշխատողներն առավելապես ներկայացված են որպես սենյակ մաքրողներ (34%) և խոհարարներ (24%)։
