Ազգային ընկերությունների իրավունքները պաշտպանելու համար Չինաստանի իշխանությունները վճռական միջոցներով կպատասխանեն Եվրամիության (ԵՄ) հակառուսական պատժամիջոցների 18-րդ փաթեթին։ Այս մասին հայտնել է ՉԺՀ առևտրի նախարարությունը։
«Չինաստանը պնդում է, որ եվրոպական կողմը անհապաղ հրաժարվի չինական ձեռնարկություններն ու ֆինանսական հաստատությունները պատժամիջոցների ցուցակներում ներառելու սխալ գործողություններից», - ընդգծվում է առևտրի նախարարության կայքում հրապարակված հայտարարության մեջ։ «ՉԺՀ-ն կձեռնարկի անհրաժեշտ միջոցներ, մենք վճռականորեն կպաշտպանենք չինական ընկերությունների օրինական իրավունքներն ու շահերը»։
Առևտրի նախարարությունը ուշադրություն է հրավիրում այն փաստի վրա, որ ԵՄ պատժամիջոցները «հակասում են ամենաբարձր մակարդակով ձեռք բերված փոխըմբռնման ոգուն» և «լուրջ բացասական ազդեցություն են ունենում Չինաստանի և Եվրամիության միջև առևտրատնտեսական հարաբերությունների, ինչպես նաև ֆինանսական համագործակցության վրա»։
Մեկնաբանության մեջ նշվում է, որ Չինաստանն արդեն բազմաթիվ անգամներ դիմումներ է ներկայացրել եվրոպական կողմին՝ Բրյուսելի կողմից նման միակողմանի միջոցառումների վերաբերյալ։
