Ուկրաինան առաջարկել է օտարերկրյա զենք արտադրողներին փորձարկել նորագույն զենքերը ռուս-ուկրաինական հակամարտության գոտու շփման գծում, հաղորդում է Reuters-ը՝ հղում անելով Ուկրաինայի կառավարության կողմից աջակցվող Brave1 պաշտպանական տեխնոլոգիաների զարգացման համակարգման հարթակի հայտարարությանը։
Այս տեղեկատվության համաձայն՝ Կիևի կողմից առաջարկվող «Փորձարկում Ուկրաինայում» անվամբ սխեման ենթադրում է, որ արտասահմանյան ընկերությունները կուղարկեն իրենց արտադրանքը Ուկրաինա, կանցկացնեն դրանց օգտագործման վերաբերյալ առցանց ուսուցում, ապա կսպասեն ուկրաինական զինվորականներից զենքի նմուշների փորձարկման արդյունքների վերաբերյալ զեկույցներին։
Brave1-ը նշում է արտասահմանյան ընկերությունների մեծ հետաքրքրությունը այս նախաձեռնության նկատմամբ, չնայած հարթակի ներկայացուցիչները չեն նշել, թե կոնկրետ որ ընկերություններն են համաձայնվել մասնակցել դրան։
