Ուկրաինան այս տարվա հունվարից մինչև մայիսի կեսերը այլ երկրներից ստացել է մոտ 420,000 հրետանային արկ, հաղորդում է Reuters-ը՝ հղում անելով ԵՄ պաշտպանական համայնքի անանուն աղբյուրին։
Դրա տեղեկություններով՝ 160 հազար արկերը, կամ դրանց ընդհանուր թվի գրեթե 40%-ը, եկել են Միացյալ Նահանգներից։ Գործակալությունը նշում է, որ Վաշինգտոնը մնում է Ուկրաինայի համար հրետանային զինամթերքի խոշորագույն մատակարարը։
Միաժամանակ, ԵՄ երկրները մեծացնում են ինչպես սեփական արտադրությունը, այնպես էլ Ուկրաինայի զինված ուժերի համար արկերի գնումները եվրոպական տարածաշրջանից դուրս։
Հուլիսի 14-ին ԱՄՆ նախագահ Դոնալդ Թրամփը հայտարարեց, որ Վաշինգտոնը որոշել է շարունակել զենքի և ռազմական տեխնիկայի փոխանցումը Կիևին, եթե Եվրոպան վճարի նման մատակարարումների համար։
ԱՄՆ կառավարությունը ակնկալում է, որ ՆԱՏՕ-ի հետ նոր գործարքի շրջանակներում դաշինքի դաշնակիցները Կիևի համար կգնեն ամերիկյան զենք՝ ընդհանուր առմամբ մոտ 10 միլիարդ դոլարի չափով, հաղորդում է Axios պորտալը։
