ԱՄՆ նախագահ Դոնալդ Թրամփի վարչակազմը քննարկման է ներկայացրել Ռուսաստանում արգելված «Մուսուլման եղբայրներ» կազմակերպությունը ահաբեկչական կազմակերպություն ճանաչելու մասին օրինագիծը, հայտնում է սենատոր Թեդ Քրուզի մամուլի ծառայությունը։
Քաղաքական գործիչը համապատասխան օրինագիծը ներկայացրել է Սենատում։ Նշվում է, որ փաստաթուղթը նախատեսում է նոր ռազմավարություն՝ Միացյալ Նահանգներում «Մուսուլման եղբայրներին» պաշտոնապես որպես ահաբեկչական կազմակերպություն ճանաչելու համար։
Սենատորը նշել է, որ «Մուսուլման եղբայրները» սպառնալիք են ներկայացնում Միացյալ Նահանգների և նրա դաշնակիցների ազգային անվտանգության համար, և որ «Մերձավոր Արևելքի և Եվրոպայի շատ երկրներ արդեն ճանաչել են այդ կազմակերպությունը որպես ահաբեկչական»։ Ինչպես հիշեցնում է Թեդ Քրուզի մամուլի ծառայությունը, նմանատիպ օրինագիծ է ներկայացվել նաև ԱՄՆ Ներկայացուցիչների պալատ։
