ԱՄՆ-ը հետաքննում է Իրանին հարվածելու Իսրայելի ծրագրերի մասին գաղտնի տեղեկության արտահոսքը

20.10 12:32 | Կատեգորիա Համաշխարհային

ԱՄՆ-ը հետաքննում է Իրանի դեմ հակահարված տալու Իսրայելի ծրագրերի վերաբերյալ գաղտնի հետախուզական տվյալների արտահոսքը, հայտնում է CNN-ը՝ հղում անելով սեփական աղբյուրներին։

Արտահոսքը «խորապես մտահոգիչ է», CNN-ին ասել է ամերիկացի պաշտոնյան:

Հոկտեմբերի 15-ով և 16-ով թվագրված փաստաթղթերը, ինչպես հաղորդվում է, սկսել են համացանցում տարածվել ուրբաթ օրը, որոնք տեղադրվել են «Middle East Spectator» տելեգրամյան ալիքում:

Փաստաթղթերը նշված են «հույժ գաղտնի» և ունեն նշումներ, որոնք ցույց են տալիս, որ դրանք նախատեսված են միայն ԱՄՆ–ի և նրա հինգ դաշնակիցների՝ Ավստրալիայի, Կանադայի, Նոր Զելանդիայի և Միացյալ Թագավորության դիտման համար:

Հրապարակված փաստաթղթերը նկարագրում են այն նախապատրաստությունները, որոնք Իսրայելը, կարծես թե, իրականացնում է Իրանին հարվածելու համար։

Փաստաթղթերից մեկում, որը, իմչպես պնդվում է, կազմվել է Ազգային աշխարհատարածական-հետախուզական գործակալության կողմից, ասվում է, որ ծրագրերը ներառում են իսրայելական զինամթերքի տեղափոխում:

Մեկ այլ փաստաթղթում ասվում է, որ այն ձեռք է բերվել Ազգային անվտանգության գործակալության կողմից և նկարագրում է Իսրայելի ռազմաօդային ուժերի զորավարժությունները՝ «օդ-երկիր» հրթիռների օգտագործմամբ, որոնք նույնպես, ինչպես ենթադրվում է, պատրաստության են բերվում Իրանին հարված հասցնելու համար:

Փաստաթղթերից մեկում նշվում է նաև, որ Իսրայելը միշտ հրաժարվել է հրապարակայնորեն հաստատել, որ երկիրը միջուկային զենք ունի։ Փաստաթղթում ասվում է, որ ԱՄՆ-ը որևէ նշան չի տեսել, որ Իսրայելը մտադիր է միջուկային զենք կիրառել Իրանի դեմ:

Հեռուստաալիքի պաշտոնական աղբյուրը հայտնել է, որ հետաքննությունը պարզում է, թե ում է հասանելի եղել Պենտագոնի ենթադրյալ փաստաթուղթը։ Ցանկացած նման արտահոսքի դեպքում ՀԴԲ-ն ավտոմատ կերպով հետաքննություն կսկսի՝ Պենտագոնի և ԱՄՆ հետախուզական գործակալությունների հետ համատեղ:

«Եթե ճիշտ է, որ հոկտեմբերի 1-ին Իրանի հարձակմանը պատասխանելու իսրայելական մարտավարական ծրագրերի արտահոսք է տեղի ունեցել, ապա դա լուրջ խախտում է», - ասել է Մերձավոր Արևելքի հարցերով պաշտպանության նախարարի նախկին տեղակալ և ԿՀՎ պաշտոնաթող սպա Միք Մալրոյը:

Ըստ Մալրոյի, «ԱՄՆ-ի և Իսրայելի միջև ապագա կոորդինացումը նույնպես կարող է կասկածի տակ դրվել: Վստահությունը հարաբերությունների հիմնական բաղադրիչն է, և կախված այն բանից, թե ինչպես է տեղեկությունը արտահոսել, այդ վստահությունը կարող է խաթարվել»:

Ամենաշատ կարդացվածներ

Լարսը փակ է միայն կցորդով բեռնատարների համար

12.01 17:51 | Կատեգորիա Հասարակություն

Առեղծվածային ու ողբերգական դեպք՝ Երևանում

12.01 17:35 | Կատեգորիա Պատահարներ

Նիկոլական քարոզչամեքենան լծվել է Սոլովյովի ձեւակերպումներով ռուսոֆոբիայի կրակը վառ պահելու գործին. Աշոտյան

12.01 15:41 | Կատեգորիա Քաղաքական

Դանակահարություն, գողություն, շղթայական ավտովթար․ քրեական նորություններ (տեսանյութ)

12.01 17:26 | Կատեգորիա Պատահարներ

Մոսկվայում վտանգի դեղին մակարդակ է հայտարարել վատ եղանակի պատճառով

12.01 00:30 | Կատեգորիա Հասարակություն

Խավի Ալոնսոն հեռացվել է «Ռեալ Մադրիդի» գլխավոր մարզչի պաշտոնից

12.01 22:33 | Կատեգորիա Սպորտ

«Բրավո, Հայաստա՛ն»․ Քոնոր ՄաքԳրեգոր

12.01 23:23 | Կատեգորիա Սպորտ

Փաշինյանի նախանական ծրագիրը տապալվեց.կարմիր գծեր չկան. ինչ զարգացումներ կլինեն (տեսանյութ)

12.01 20:00 | Կատեգորիա Քաղաքական

Տավրոս Սափեյանի հայրն ազատամարտի՞կ է սպանել. աղմկահարույց մանրամասներ (տեսանյութ)

12.01 22:00 | Կատեգորիա Քաղաքական

ՈՒՂԻՂ

TRIPP-ը սկզբունքների ժողովածու է, ոչ՝ վերջնական փաստաթուղթ. Բենիամին Պողոսյան (տեսանյութ)

21:15 Շտապ

Վաղը Հովհաննավանքում հնարավոր են սադրիչ գործողություններ․ որտեղ և ով կմատուցի Պատարագը