Իսրայելը հայտարարել է, որ Իրանը «բարձր գին կվճարի» Նեթանյահուի նստավայրին «Հեզբոլլահի» հարվածի համար

Իսրայելի քաղաքական գործիչները շաբաթ գիշերը հայտարարություն են տարածել՝ խոստանալով, որ Թեհրանը «բարձր գին կվճարի» վարչապետ Բենիամին Նեթանյահուի տան վրա լիբանանյան «Հեզբոլլահի» անօդաչու թռչող սարքի հարվածի համար, գրում է Times of Israel-ը։

Շաբաթ առավոտյան երեք անօդաչու թռչող սարքեր են արձակվել Լիբանանից՝ թիրախավորելով վարչապետի մասնավոր նստավայրը։ Երկուսը կալանվել են Ռոշ Հանիկրայի և Նահարիայի վրա, իսկ երրորդը պայթել է կենտրոնական ծովափնյա Կեսարիա քաղաքում, որը հայտնի է իր շքեղ վիլլաներով և հնագույն ավերակներով: Հարձակման պահին վարչապետն ու նրա կինը տանը չեն եղել։

Հանրային հեռարձակող Kan-ը հայտնել է, որ հարձակումից հետո Նաթանյահուի տուն են եկել հարկային ծառայության աշխատակիցները և այգեպանը:

Նախնական հաստատմամբ, որ իր տունն է եղել անօդաչուի հարվածի թիրախը, Նեթանյահուն հայտարարություն է տարածել՝ նշելով, որ «Իրանի գործակալները, ովքեր այսօր փորձել են սպանել ինձ և կնոջս, ծանր սխալ են թույլ տվել»: Նրա խոսքերին արձագանքել են նրա կառավարության նախարարները և ընդդիմադիր օրենսդիրները, ինչպես նաև արտերկրում դաշնակիցները, որոնցից շատերը հայտարարել են, որ Իրանը «ստիպված կլինի զղջալ իր դրածո «Հեզբոլլահի» գործողությունների համար»:

Իսրայելի պաշտպանության նախարար Յոավ Գալանտը, գովաբանելով պաղեստինյան ՀԱՄԱՍ խմբավորման ոչնչացման և «Հեզբոլլահի» մարտունակության նվազեցման հարցում Իսրայելի ձեռքբերումները, սպառնացել է, որ Իսրայելի անվտանգության ծառայությունները «շարունակելու են գրոհել ցանկացած ահաբեկչի և ուժային հարված հասցնել ցանկացած թշնամու, որը կվնասի կամ կփորձի վնասել Իսրայել պետությանը»։