Էրդողան. Թուրքիան ուշադիր հետևում է Աբու Դաբիում մեկնարկած ադրբեջանա-հայկական բանակցություններին

Թուրքիան ուշադիր հետևում է Աբու Դաբիում մեկնարկած ադրբեջանա-հայկական խաղաղ բանակցություններին, հայտարարել է երկրի նախագահ Ռեջեփ Թայիփ Էրդողանը Արաբական Միացյալ Էմիրությունների նախագահ շեյխ Մուհամմեդ բին Զայեդ Ալ Նահայանի հետ հեռախոսազրույցում։Ըստ Էրդողանի, Անկարան «կշարունակի աջակցել Հարավային Կովկասում կայունության ապահովմանն ուղղված ջանքերին»։Զրույցի ընթացքում Թուրքիայի նախագահը նաև հայտարարել է, որ «Թուրքիայի և Արաբական Միացյալ Էմիրությունների միջև ռազմավարական գործընկերությունը դրական արդյունքներ է տալիս բոլոր ոլորտներում, և մատնանշել է երկկողմ համագործակցության մեծ ներուժը, հատկապես պաշտպանական արդյունաբերության և նոր տեխնոլոգիաների ոլորտում»։Հիշեցնենք, որ հուլիսի 10-ին Աբու Դաբիում տեղի են ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բանակցությունները։ՀՀ ԱԳՆ-ն հանդիպման արդյունքներով հայտարարել է, որ կողմերը «քննարկել են Հայաստանի և Ադրբեջանի միջև միջպետական հարաբերությունների կարգավորման օրակարգի տարբեր ասպեկտներ»։«Հաստատվել է, որ երկկողմ բանակցությունները կարգավորման գործընթացին առնչվող բոլոր հարցերի քննարկման ամենաարդյունավետ ձևաչափն են, և այդ հիմքի վրա որոշվել է շարունակել արդյունքին միտված նման երկխոսությունը։Ղեկավարները, նշելով սահմանի սահմանազատման գործընթացում արձանագրված առաջընթացը, հանձնարարել են համապատասխան պետական հանձնաժողովներին շարունակել գործնական աշխատանքն այդ ուղղությամբ։Կողմերը պայմանավորվել են նաև շարունակել երկկողմ բանակցությունները և երկու երկրների միջև վստահության ամրապնդման միջոցառումները»,- մասնավորապես ասվում է հայկական արտաքին քաղաքական գերատեսչության հայտարարության մեջ։