ԱՄՆ Տեխաս նահանգում ջրհեղեղների հետևանքով զոհերի թիվը հասել է առնվազն 110-ի, հաղորդում է CBS-ը՝ հղում անելով տեղական իշխանություններին։
«Հաստատվել է առնվազն 110 մարդու մահը», - հաղորդել է հեռուստաալիքի կայքը՝ հղում անելով Տեխասի նահանգապետ Գրեգ Էբոթին։
Նահանգապետի խոսքով՝ միայն Քեր շրջանում անհետ կորած է համարվում 161 մարդ, իսկ մյուս շրջաններում անհետ կորած է համարվում առնվազն 12 մարդ։
ԱՄՆ Ազգային օդերևութաբանական ծառայությունը X սոցիալական ցանցում հայտնել է Տեխասի Քեր շրջանի մի քանի քաղաքներում արտակարգ իրավիճակի մասին՝ կապված ջրհեղեղների հետ։
