Ֆրանսիան և Չինաստանը պետք է աշխատեն Իրանի միջուկային հարցի շուրջ բանակցությունների արագ վերսկսման ուղղությամբ, հայտարարել է Ֆրանսիայի արտաքին գործերի նախարար Ժան-Նոել Բարոն Փարիզում իր չինացի գործընկեր Վան Իի հետ համատեղ մամուլի ասուլիսում։
«Դիվանագիտական լուծումը միակ պատասխանն է Իրանի միջուկային ծրագրի հետ կապված մտահոգություններին։ Մենք պետք է արագ գործենք՝ բոլոր կողմերին բանակցությունների ուղու վրա վերադարձնելու համար», - ասել է Բարոն։
Նրա խոսքով՝ «Իրանը պետք է անհապաղ վերսկսի Ատոմային էներգիայի միջազգային գործակալության հետ լիարժեք համագործակցությունը»։
«Չինաստանը կարևոր դեր ունի այս գործում», - ընդգծել է ֆրանսիացի նախարարը։
