Ռուսաստանի նախագահ Վլադիմիր Պուտինը և Բահրեյնի թագավոր Համադ բին Իսա ալ-Խալիֆան հեռախոսազրույց են ունեցել, հայտնում է Կրեմլի մամուլի ծառայությունը։
«Հեռախոսազրույց է տեղի ունեցել Ռուսաստանի նախագահ Վլադիմիր Պուտինի և Բահրեյնի թագավոր Համադ բին Իսա Ալ Խալիֆայի միջև։ Պետությունների ղեկավարները մտքեր են փոխանակել Սանկտ Պետերբուրգի 28-րդ միջազգային տնտեսական ֆորումի արդյունքների վերաբերյալ, որը տեղի է ունեցել հունիսի 18-21-ը, որին Բահրեյնը մասնակցել է որպես հյուր երկիր», - ասվում է հաղորդագրության մեջ։
Պուտինը նշել է Բահրեյնի պատվիրակության ակտիվ և արդյունավետ աշխատանքը, որը գլխավորել է Բահրեյնի թագավորի մարդասիրական գործունեության և երիտասարդության հարցերով ներկայացուցիչ, ազգային անվտանգության խորհրդական Նասեր բին Համադ Ալ Խալիֆան։
Բահրեյնի թագավորը, իր հերթին, շնորհակալություն է հայտնել ռուսական կողմին ցուցաբերված հյուրընկալության համար, հաղորդում է մամուլի ծառայությունը։ Առաջնորդները նաև հաստատել են իրենց փոխադարձ հանձնառությունը՝ ռուս-բահրեյնական փոխշահավետ համագործակցության հետագա զարգացմանը առևտրատնտեսական, ֆինանսական, ներդրումային, ինչպես նաև մշակութային և մարդասիրական ոլորտներում։
