ԵՄ արտաքին գործերի նախարարները հունիսի 17-ին տեսակապի միջոցով ոչ պաշտոնական խորհուրդ կանցկացնեն՝ քննարկելու իրավիճակը Մերձավոր Արևելքում՝ կապված Իսրայելի և Իրանի միջև հակամարտության հետ:
Այս մասին ասել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասի խոսնակ Անվար ալ-Անունին։
«Հաշվի առնելով Մերձավոր Արևելքում իրավիճակի լրջությունը՝ ԵՄ արտաքին գործերի գերագույն ներկայացուցիչ Կայա Կալլասը վաղը ծրագրել է տեսակոնֆերանս արտաքին գործերի նախարարների հետ: Դա թույլ կտա մտքերի փոխանակում, միաժամանակ համակարգել դիվանագիտական գործողությունները Թեհրանի և Թել Ավիվի նկատմամբ և քննարկել, թե ինչպես վարվել», - ասել է խոսնակը երկուշաբթի օրը Բրյուսելում կայացած ճեպազրույցում:
Եվրամիությունը, նրա խոսքով, կողմ է լիցքաթափմանը ու տարածաշրջանային անվտանգությանը և կշարունակի անել հնարավորը դիվանագիտական միջոցներով լարվածությունը թուլացնելու և Իրանի միջուկային ծրագրին լուծում գտնելու համար։
«Դրան կարելի է հասնել միայն բանակցությունների միջոցով»,- նշել է Ալ-Անունին։
