Հաստատվել է ուսուցիչների 2024 թվականի կամավոր ատեստավորման ժամանակացույցը

18.10 12:26 | Կատեգորիա Հասարակություն

ՀՀ ԿԳՄՍ նախարարի հրամանով հաստատվել է 2024 թվականի ուսուցիչների կամավոր ատեստավորման ժամանակացույցը:

ԿԳՄՍՆ-ից հայտնում են, որ ըստ այդմ՝ «Ինֆորմատիկա» և «Աշխարհագրություն» առարկաների ուսուցիչների ատեստավորումը տեղի կունենա նոյեմբերի 9-ին, «Անգլերեն» և «Ռուսաց լեզու» առարկաների ուսուցիչների ատեստավորումը՝ նոյեմբերի 10-ին, «Մաթեմատիկա», «Ֆիզկուլտուրա», «Շախմատ» առարկաների ուսուցիչների ատեստավորումը՝ նոյեմբերի 16-ին, «Ֆրանսերեն», «Գերմաներեն», «Հայոց լեզու» առարկաների ուսուցիչների ատեստավորումը՝ նոյեմբերի 17-ին, «Ֆիզիկա», «Քիմիա», «Կենսաբանություն», ՆԶՊ, «Տեխնոլոգիա», «Երաժշտություն», «Կերպարվեստ» առարկաների ուսուցիչների ատեստավորումը՝ նոյեմբերի 23-ին, «Պատմություն», «Հայ եկեղեցու պատմություն», «Հասարակագիտություն» առարկաների, ինչպես նաև դասվարների ատեստավորումը՝ նոյեմբերի 24-ին:

2024 թվականից ուսուցիչների կամավոր ատեստավորումն առաջին անգամ անցկացվելու է էլեկտրոնային եղանակով:

Թղթային եղանակով իրականացվելու Է միայն «Եզդիերեն», «Պարսկերեն» և «Ասորերեն» առարկաների ուսուցիչների ատեստավորումը: Այն նախատեսված է նոյեմբերի 16-ին:

Հրամանով հաստատվել է նաև գիտելիքի ստուգման կենտրոնների ցանկը:

Միաժամանակ հայտնում ենք, որ 5-12-րդ դասարաններում դասավանդվող՝

«Մայրենի», «Հայոց լեզու», «Գրականություն» և «Հայ գրականություն» առարկաներ դասավանդող ուսուցիչներն ատեստավորվում են միայն «Հայոց լեզու» առարկայից,

«Մայրենի լեզու (քրդերեն)» և «Մայրենի լեզու և գրականություն (քրդերեն)» առարկաներ դասավանդող ուսուցիչներն ատեստավորվում են միայն «Մայրենի լեզու (քրդերեն)» առարկայից,

«Հայոց պատմություն» և «Համաշխարհային պատմություն» դասավանդող ուսուցիչներն ատեստավորվում են «Պատմություն» առարկայից,

«Աշխարհագրություն» և «Հայաստանի աշխարհագրություն» առարկաները դասավանդող ուսուցիչներն ատեստավորվում են «Աշխարհագրություն» առարկայից,

«Ինֆորմատիկա» և «Թվային գրագիտություն և համակարգչային գիտություն» առարկաները դասավանդող ուսուցիչներն ատեստավորվում են «Ինֆորմատիկա» առարկայից,

«Հանրահաշիվ» և «Երկրաչափություն» առարկաները ներառվելու են մեկ թեստում:

1-4-րդ դասարաններում դասավանդող դասվարները թեստավորվում են մեկ միասնական թեստով, որում ներառված են հարցեր «Մայրենի», «Մաթեմատիկա» և «Ես և շրջակա աշխարհը» առարկաներից։

«Բնագիտություն» («Բնություն»), «Իմ հայրենիքը», «Իմ հայրենիքը և աշխարհը» առարկաները դասավանդող ուսուցիչներն ատեստավորման համար ընտրում են իրենց որակավորմանը համապատասխան առարկան:

Ուսումնական հաստատությունում նախարարության կողմից երաշխավորված դպրոցական բաղադրիչով առարկաներ դասավանդող ուսուցիչը կարող է ատեստավորվել տվյալ բնագավառի՝ ատեստավորման ցանկում ընդգրկված առարկաներից որևէ մեկով՝ իր ընտրությամբ:

Ամենաշատ կարդացվածներ

Ամեն ինչ շատ արագ է զարգանալու. «ՔՊ»-ականները «խելոք» կմիանան Փաշինյանի իմպիչմենտին. Էդգար Ղազարյան (տեսանյութ)

07.06 22:00 | Կատեգորիա Քաղաքական

Զարմանում եմ այդ մարդկանց՝ ժողովրդին նոր ձևով մոլորեցնելու վրա. Հակոբ Ասլանյան (տեսանյութ)

07.06 19:13 | Կատեգորիա Քաղաքական

«Փաշինյանին տրամաբանական բան ենք առաջարկում»․ Դանիելյանը՝ իմպիչմենտի, վարչապետի թեկնածուի մասին (տեսանյութ)

07.06 20:00 | Կատեգորիա Քաղաքական

Ջենիֆեր Լոպեսի շոկային ելույթը՝ կրքոտ համբույրներով բեմի վրա (տեսանյութ)

07.06 19:15 | Կատեգորիա Ժամանց

Համաշխարհային աստղը նշում է իր 50 ամյակը (տեսանյութ)

07.06 21:12 | Կատեգորիա Ժամանց

Վթար Երևան-Գյումրի ավտոճանապարհին. երկու ուղևոր տեղափոխվել է բժշկական կենտրոն

06.06 20:10 | Կատեգորիա Պատահարներ

20 տարի անց՝ Պոդոլսկայան և Պրեսնյակովը նորից ամուսնացան (տեսանյութ)

07.06 22:25 | Կատեգորիա Ժամանց

«Հիսուս Քրիստոսին էլ բերեն թեկնածու, մեկ է՝ չեն միանալու»․ Մանուկյանը՝ Եկեղեցու և իմպիչմենթի մասին (տեսանյութ)

06.06 21:30 | Կատեգորիա Քաղաքական

«Ծակեցի ճակատս և շուրթս». Կլավա Կոկան վնասվել է ելույթի ժամանակ (տեսանյութ)

07.06 19:16 | Կատեգորիա Ժամանց

ՈՒՂԻՂ