Գարեգին Բ-ն Ավստրալիայից ժամանած ուխտավորներին հորդորել է հանդիպել նաև արցախցիների հետ

08.06 16:33 | Կատեգորիա Հասարակություն

Հունիսի 8-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ավստրալիայի և Նոր Զելանդիայի հայոց թեմից ժամանած ուխտավորներին՝ ուղեկցությամբ Մելբուռնի Սուրբ Աստվածածին եկեղեցու հոգևոր հովիվ Արժանապատիվ Տեր Խաչեր քահանա Հարությունյանի:

Տեր Խաչեր քահանան Նորին Սրբությանը տեղեկացրեց, որ մինչև Հայաստան ժամանելը ավստրալահայերն ուխտավորաբար եղել են Արևմտյան Հայաստանում և այժմ, գտնվելով հայրենիքում, այցելել են Մայր Աթոռ Սուրբ Էջմիածին՝ ստանալու Ամենայն Հայոց Կաթողիկոսի հայրական օրհնությունը:

Վեհափառ Հայրապետը, իր օրհնությունը փոխանցելով հայորդիներին, գոհունակությամբ անդրադարձավ Ավստրալիայի հայ համայնքի հայրենանվեր ու եկեղեցասեր կյանքին: Նորին Սրբությունը նկատեց, որ աշխարհասփյուռ հայոց թեմերից նման ուխտագնացությունների կազմակերպումը հայրենիքի համար դժվարին այս օրերին գոտեպնդում է հայրենաբնակ իրենց եղբայրներին ու քույրերին: Այս առնչությամբ Հայոց Հայրապետը հորդորեց ներկաներին, որ իրենց այցի շրջանակներում նաև հանդիպումներ ունենան հայրենազրկված արցախցիների հետ՝ ի մոտո ծանոթանալով նրանց առջև ծառացած մարտահրավերներին և իրենց աջակցությունն ու զորակցությունը բերելով նրանց։

Վերջում Ամենայն Հայոց Կաթողիկոսն ուխտավորներին մաղթեց, որ Աստված մշտապես պահի ու պահպանի նրանց Իր սիրո և խնամքի ներքո:

Ամենաշատ կարդացվածներ

Քաղհալածյալ Լիդիան ոգով պինդ է ու անսասան, լիովին նույնական՝ պայքարի հետ

26.06 23:38 | Կատեգորիա Մտքեր

Թրամփը հիասթափված է Պուտինից․ Մակրոնի կոչը՝ ՄԱԳԱՏԷ-ին շուտ վերսկսել առաքելությունը Իրանում (տեսանյութ)

26.06 17:28 | Կատեգորիա Հասարակություն

Ինձ ատողները կարող են ավելի շատ ատել․ Ծառուկյան

26.06 23:48 | Կատեգորիա Սպորտ

«Ժողովուրդ». Կկարճի արդյո՞ք դատավոր Դանիելյանը Սամվել Կարապետյանի մասով բողոքի գործը

26.06 09:25 | Կատեգորիա Մամուլ

Նիկոլին մենք կենդանացրինք. Գառնիկ Իսագուլյանը բացատրում է՝ ինչպես կարելի է «բռնել Փաշինյանի ձեռքը» (տեսանյութ)

26.06 22:15 | Կատեգորիա Քաղաքական

Եվրոպական խորհուրդը չի կարողացել ընդունել Ռուսաստանի դեմ պատժամիջոցների 18-րդ փաթեթը

27.06 01:29 | Կատեգորիա Համաշխարհային

«Հրապարակ». Դուք իմացեք, որ եթե 100 հազար մարդ էլ հելնի փողոց, Նիկոլ Փաշինյանը կգնա

28.06 19:27 | Կատեգորիա Քաղաքական

Որ բանտում է գտնվում Բագրատ Սրբազանը

26.06 11:51 | Կատեգորիա Հասարակություն

Այդ ձայնագրությունները ապացույց չեն․ պետք է տարանջատել, թե ով ինչ է խոսել (տեսանյութ)

26.06 18:22 | Կատեգորիա Քաղաքական

ՈՒՂԻՂ