ԱՄՆ նախագահ Դոնալդ Թրամփը կարծում է, որ ամերիկացի ձեռնարկատեր Իլոն Մասկը երեխայի պես է վարվում, երբ կոշտ քննադատում է պետության ղեկավարին, հաղորդում է The Wall Street Journal-ը (WSJ)՝ հղում անելով Սպիտակ տան աղբյուրներին։Նրանց տեղեկությունների համաձայն՝ Թրամփի օգնականները հունիսի 5-ի օրվա մի մասն անցկացրել են՝ փորձելով հասկանալ, թե ինչի էր փորձում հասնել գործարարը այս հակամարտության մեջ։ Սակայն ամերիկացի առաջնորդն իր խորհրդականներին ասել է, որ Մասկը պարզապես երեխայի պես է վարվում։
Գործարարի կոշտ հարձակումներն ու ագրեսիվությունը ցնցել են Թրամփին, նշել են հրատարակության աղբյուրները։
Նրանց տեղեկությունների համաձայն՝ պետության ղեկավարը մինչ այժմ փորձել էր հարթել Մասկի հետ առկա հակասությունները և չէր պլանավորում հրապարակային բախման մեջ մտնել նրա հետ։ Չնայած Թրամփի շրջապատը կարծում էր, որ իրենց հարաբերությունների փլուզումը նախապես որոշված էր, հինգշաբթի օրը բռնկված սկանդալը անակնկալի բերեց Սպիտակ տան պաշտոնյաներին։Կառավարության արդյունավետության դեպարտամենտը (DOGE), որը մինչև վերջերս վերահսկում էր Մասկը, կարող է տուժել հակամարտությունից: DOGE-ի աշխատակիցները չեն բացառում, որ այժմ նրանք կազատվեն աշխատանքից, հաղորդում է The Wall Street Journal-ը:
